Սուրբ Աստվածածին եկեղեցի (Դարաշամբ)

Սուրբ Աստվածածին եկեղեցի;
	Եկեղեցու արտաքին տեսքը
Հիմնական տվյալներ
Տեսակ	եկեղեցի և մշակութային արժեք
Երկիր	Իրան
Տեղագրություն	Արևմտյան Ադրբեջան
Դավանանք	Հայ Առաքելական Եկեղեցի
Թեմ	Ատրպատականի հայոց թեմ (Կիլիկիո Կաթողիկոսություն)
Ներկա վիճակ	լքված
Մասն է	Իրանի հայկական վանական համալիրներ
Ժառանգության կարգավիճակ	Իրանի ազգային ժառանգություն
Անվանված	Մարիամ Աստվածածին
Ճարտարապետական տիպ	բազիլիկա
Ճարտարապետական ոճ	սեֆյան ճարտարապետություն
Կառուցման ավարտ	17-րդ դար
Շինանյութ	քար, աղյուս և շինարարական շաղախ
	Church of the Holy Mother of God (Darresham) Վիքիպահեստում

Անվան այլ կիրառումների համար տե՛ս՝ Սուրբ Աստվածածին եկեղեցի (այլ կիրառումներ)

Սուրբ Աստվածածին, հայ առաքելական եկեղեցի Իրանի Արևմտյան Ադրբեջան նահանգի Ջուղա (Ջոլֆա) քաղաքից 25 կմ հյուսիս-արևմուտք։ Պատկանում է Մեծի Տանն Կիլիկիո կաթողիկոսության Ատրպատականի հայոց թեմին։ Եկեղեցին գտնվում է Արաքս գետի ափին, որից այն կողմ գտնվում է Նախիջևանի Ինքնավար Հանրապետությունը։ Եկեղեցուց 2 կմ հարավ-արևելք գտնվում է Դարաշամբի Սուրբ Ստեփանոս Նախավկա վանքը, ոչ հեռու՝ Հովվի մատուռը։ Այստեղից 150 կմ հեռավորության վրա՝ Մակու քաղաքի շրջակայքում, գտնվում են Սուրբ Թադևոսի վանքը և Ծոր Ծոր եկեղեցին։ Միասին դրանք ընդգրկված են ՅՈւՆԵՍԿՕ-ի համաշխարհային ժառանգության իրանական ցանկում^[2]։

Պատմություն

Սուրբ Աստվածածին եկեղեցին կառուցվել է 17-րդ դարում՝ Ներքին Դարաշամբ գյուղում։ Այստեղ հատվում են Տղմուտ և Արաքս գետերը։ Այն շրջակայքի եկեղեցիներից առավել նորն է, հիմնվել է շահ Աբբասի կազմակերպած բռնագաղթից հետո։ Շրջակայքում գտնվում են հայկական գերեզմանաքարեր՝ 15-17-րդ դարերի^[3]։

Ճարտարապետություն

Եկեղեցին արտաքուստ ուղղանկյունիստ պլան ունի՝ 22.2х13.5 մետր չափերով։ Չորս քառակուսի քարե սյուները գտնվում են հատակագծի կենտրոնում, որի վրա բարձրանում է տասներկու պատուհաններով աղյուսյա գմբեթը։